Archive | February, 2012

උපාධිධාරී රැකියා දේශපාලන ලැයිස්තුවලින්

24 Feb

උපාධිධාරීන් 15,000කට රැකියා දීමේ රාජ්‍ය වැඩපිළිවෙළ යටතේ ලබාදෙන පත්වීම් සියල්ලක්ම ආණ්ඩුවේ මැති ඇමතිවරුන්ගේ සහ ශ‍්‍රී ලංකා නිදහස් පක්ෂයේ ආසන සංවිධායකවරුන්ගේ ලැයිස්තුවලට අනුව ලබාදී ඇති බව වාර්තා වෙයි.

උපාධිධාරී අභ්‍යාසලාභීන් බඳවාගැනීම සඳහා 2012.03.30 දිනට පෙර අයදුම්පත් යොමු කරන ලෙස පුවත්පත් දැන්වීම් පළවුවද මේ වන විට බඳවා ගතයුතු උපාධිධාරීන්ගේ නම් ලැයිස්තු දිවයිනේ සියලූම දිස්ත‍්‍රික් ලේකම් කාර්යාල වෙත ලබාදී ඇති බවත් ඉන් බොහෝ දෙනකු මේ වන විට බඳවාගෙන ඇති බවත් දිස්ත‍්‍රික් ලේකම් කාර්යාල නිලධාරීහු රාවයට ප‍්‍රකාශ කළෝය.

උපාධිධාරීන් 15,000කට රැකියා ලබාදීමේ රජයේ වැඩපිළිවෙළ යටතේ දේශපාලන හිතවත්කම් මත බඳවා ගැනීමේ ලැයිස්තු රාජ්‍ය පරිපාලන අමාත්‍යාංශය විසින් දිස්ත‍්‍රික් ලේකම් කාර්යාල වෙත ලබාදීම ඉතාම වැරදිසහගත බවත් එය උපාධිධාරීන් අතරමං කිරීමක් බවත් ඒකාබද්ධ රැකියා විරහිත උපාධිධාරීන්ගේ සංගමය ප‍්‍රකාශ කරයි.

මේ පිළිබඳව මහනුවර, ගාල්ල, මාතර දිස්ත‍්‍රික් ලේකම් කාර්යාලවල නිලධාරීන් සම්බන්ධ කරගනිමින් රාවය කළ විමසීම්වලදී ඔවුහු ප‍්‍රකාශ කළේ බඳවා ගැනීමේ ක‍්‍රියාපටිපාටිය කුමක්ද යන්න තමන් නොදන්නා බවත් රාජ්‍ය පරිපාලන අමාත්‍යාංශය විසින් ලබා දුන් උපාධිධාරී නාමලේඛනවල අන්තර්ගත උපාධිධාරීන්ට මේ වනවිට පත්වීම් ලබාදී ඇති බවත්ය.

මේ අනුව මහනුවර දිස්ත‍්‍රික් ලේකම් කාර්යාලය විසින් උපාධිධාරීන් 1538 දෙනකු ප‍්‍රාදේශීය ලේකම් කාර්යාල 20කට අනුයුක්ත කොට ඇති අතර මාතර දිස්ත‍්‍රික් ලේකම් කාර්යාලය විසින් 600 ගණනකට පත්වීම් ලබාදී ඇත.

මේ පිළිබඳව රාජ්‍ය පරිපාලන හා ස්වදේශ කටයුතු අමාත්‍යාංශයේ ලේකම් පී.බී. අබේකෝන් මහතා සම්බන්ධ කරගැනීමට රාවය දැරූ දැඩි උත්සාහය ව්‍යර්ථ වූ අතර එම අමාත්‍යාංශයේ මාධ්‍ය ලේකම්වරයකු වන සමන් ප‍්‍රියදර්ශන මහතාගෙන් අප කළ විමසීමකදී ඔහු ප‍්‍රකාශ කළේ මේ වනවිට ලබාදී ඇති කිසිදු උපාධිධාරී පත්වීමක් ස්ථිර පත්වීම් නොවන බවත් රුපියල් 10,000ක මාසික වැටුපට මාස 6ක පුහුණු කාලයක් සඳහා බඳවා ගැනීම් සිදුකළ බවත්ය.

ඔවුන් යොමු කොට ඇත්තේ කාර්යාල පුහුණුවකට පමණක් බවත් ඉන් අනතුරුව පුවත්පත් දැන්වීම් පළකොට සම්මුඛ පරීක්ෂණ පවත්වා ස්ථිර පත්වීම් ලබාදීමට කටයුතු කරන බවද ඔහු ප‍්‍රකාශ කළේය.

දැනට පුහුණු කාලසීමාවකට හෝ බඳවාගෙන ඇති උපාධිධාරීන් බඳවා ගනු ලැබුවේ කුමන පදනමකින්දැ’යි රාවය ප‍්‍රශ්න කළ විට ඔහු ප‍්‍රකාශ කළේ ඒ පිළිබඳව තමන් නොදන්නා බවත් අමාත්‍යාංශ ලේකම්වරයාගෙන් විමසන ලෙසත්ය.

මෙසේ බඳවාගෙන ඇති උපාධිධාරීන් කිසිදු විභාගයකට හෝ විධිමත් සම්මුඛ පරීක්ෂණයකට ඉදිරිපත් කොට නොමැත. ඔවුන්ට නියමිත තනතුරක්ද නොමැති අතර නියමිත කාර්යභාරයක් ද නොමැත.

මෙම බඳවා ගැනීමේ කාර්ය පටිපාටිය පිළිබඳව ශ‍්‍රී ලංකා පරිපාලන සේවා සංගමයේ ලේකම් චන්ද්‍රරත්න පල්ලේගම මහතාගෙන් රාවය විමසීමක් කළ අතර ඔහු ප‍්‍රකාශ කළේ උපාධිධාරීන්ට රැකියා ලබාදීම ඉතා යහපත් දෙයක් වුවත් මෙම බඳවාගැනීමේ පටිපාටිය ඉතාම වැරදිසහගත බවයි.

ඔහු තවදුරටත් ප‍්‍රකාශ කළේ 1989 කැරැල්ලට හේතුවූයේද රජයේ මෙවන් ක‍්‍රියාකාරීත්වයන් බවත් මෙවන් දේ සිදුවීම නැවත එවැනි පරිපාලනයකට ජනතාව පොළඹවන්නක් විය හැකි බවත්ය.

මේ වනවිට දිවයින පුරා සිටින රැකියා විරහිත උපාධිධාරීන්ගේ සංඛ්‍යාව 42,000කි.

Advertisements

සුදුවෑන්වලින් කැරෙන පැහැර ගැනීම්

24 Feb

යුද්ධය අවසන් වී වසර තුනකට කාලයක් ගතවී ඇතත් සුදුවෑන් රථවලින් පැමිණ පැහැරගෙන යෑමේ සංස්කෘතිය තවමත් අවසන් කිරීමට හැකිවී නැත. පසුගිය 13 වැනිදා අලූත්කඬේ උසාවි සංකීර්ණය ඉදිරියේ බන්ධනාගාරයේ සිට උසාවිය වෙත රැගෙන එමින් සිටි පුද්ගලයකු සුදුවෑන් රථවලින් පැමිණි පිරිසක් පැහැරගෙන ගියේය. ඔහු අපරාධකාරී පසුබිමක් ඇති පුද්ගලයකු වුවද එම පැහැරගැනීම සිදුවූයේ අලූත්කඬේ උසාවි සංකීර්ණය ඉදිරියේය. එය මහා දවාලයේ සිදුවූ පැහැර ගැනීමක් ලෙසද සැලකිය හැකිය. උසාවි සංකීර්ණය අවට ආරක්ෂාව තර කළ ප‍්‍රදේශයකි. එවැනි තැනක මෙවැනි Continue reading

රාවය 25 වසරක පටිසෝතගාමී අභිචාරිකාව

24 Feb

පෙබරවාරි 28 වැනි දින රාවය සිය 25 වැනි සංවත්සරය අභිමානවත් ලෙස සැමරීමට අපේක්ෂා කරන්නේය. එම උත්සවය වර්ණවත් කරන තෝරාගත් සමාජ කණ්ඩායම් අතර රාවය පාඨකයෝ හා ආධාරකරුවෝද ප‍්‍රධාන තැනක් ගනිති. නිල උත්සවයකින් අපේක්ෂා කරන්නේද කාබී ප‍්‍රීතිවන්නට නොව ශ‍්‍රී ලංකාව මුහුණදී තිබෙන අර්බුදය ප‍්‍රබල ලෙස සාකච්ඡාවට ලක් කැරෙන සාකච්ඡා මණ්ඩපයක් කරගන්නටය.

රාවය සිය 25 වසරක ක‍්‍රියාකාරීත්වය නම්කර ඇත්තේ පටිසෝතගාමී අභිචාරිකාවක් වශයෙනි. එම ගමන පරිසමාප්ත Continue reading

දුමින්ද වීරයෙක් කළේ කවුද? මටත් ප‍්‍රශ්නයක්

24 Feb

ප‍්‍රසන්න ගුණසිංහ සෝලංගආරච්චි

ඔබ මැතිවරණ ව්‍යාපාරය දියත් කළේ රාජසිංහ පරපුරක අපි කියන පාඨය යටතේ. මම කැමතියි ඔබේ ඒ ඉතිහාසය දැනගන්න.

ඒක නතිකරම වචන හරඹයක්. හැබැයි ගැඹුරක් ඇතිව කරපු එකක්. මම ඉපදුණු මේ මුල්ලේරියාව ඓතිහාසික නගරයක්. ලෝකයේ යුද ඉතිහාසය තුළ සුවිශේෂී සටනක් මුල්ලේරියා සටන. අපේ අංගම්පොර සටන් කලාව උපයෝගී කරගෙන ටිකිරි කුමරු රාජසිංහ දියත් කළ අභීත සටනක්. එතකොට මගේ හදවත ඇතුළේ ඒ අතීතය තියෙනවා. අනෙක් අතට ආයේ හිතනකොට එදා පෘතුගීසි මේ සටන මර්දනය කළේ කොහොමද? ගැහැනු දීලා, සල්ලි දීලා, බොන්න දීලා, බයිනෙත්තු දීලා. එතකොට ඒ ක‍්‍රමවේදයම තමයි මෙදා දුමින්ද සිල්වා මුල්ලේරියාවේ කළේ.

මම එක පොතක කියවලා තිබුණා හැම යටගියාවක්ම, හැම හොල්මනක්ම නැවත අවුරුදු පන්හයසියයකින් මතුවෙනවා Continue reading

24 Feb

පෙන්වූ අලාභයට වඩා විදුලි බිල වැඩිකරලා

17 Feb

ඉන්ධන මිල වැඩිවීම නිසා විදුලිය ජනනයේදී වාර්ෂිකව රුපියල් මිලියන විසි නවදාහක මුදලක් ලංකා විදුලිබල මණ්ඩලයට අතිරේකව දරන්නට සිදුවන බව පවසමින් රුපියල් මිලියන තිස්පන්දාහක පමණ මුදලක් සොයා ගැනීම සඳහා විදුලිබිල සඳහා ඉන්ධන ගැලපුම් ගාස්තුව තීරණය කර ඇතැයි ලංවිම සැපයුම් නිලධාරින්ගේ සංගමයේ ලේකම් දයානන්ද නිමලරත්න මහතා පවසයි.
ඔහු පෙන්වා දෙන්නේ ගෘහස්ථ විදුලි පාරිභෝගිකයන්ගෙන් රුපියල් මිලියන 21800ක පමණ මුදලකුත්, කර්මාන්ත අංශයේ පාරිභෝගිකයන්ගෙන් රුපියල් මිලියන 14250 ක පමණ මුදලකුත් ඉන්ධන ගැලපුම් ගාස්තුව වශයෙන් වර්ෂයකට උපයා ගැනීමට ලංවිමට හැකිවෙන බවයි.
ඉන්ධන මිල ඉහළ යෑම නිසා සැබෑ ලෙසම සිදුවන පාඩුව පියවා ගැනීමටත් වඩා වැඩි මුදලක් මේ ආකාරයට විදුලි පාරිභෝගිකයන්ගෙන් අයකිරීම සාමාන්‍ය ජනයාට තව තවත් බර පැටවීමක් බව නිමලරත්න මහතාගේ අදහසය.
ඔහු අවධාරණය කරන්නේ කර්මාන්ත අංශයේ ඉන්ධන ගැලපුම් ගාස්තු මිලද නිෂ්පාදන මිල වැඩිවීම නිසා අවසානයේ සාමාන්‍ය පාරිභෝගික ජනතාවටම ගෙවන්නට සිදුවන බවත් මුළු විදුලි පරිහෝජනයයෙන් 65%ක් භාවිතා කරන කර්මාන්ත අංශයට වඩා ඉතිරි 35% පරිභෝජනය කරන ගෘහස්ථ පාරිභෝගිකයන්ට ප‍්‍රතිශතයක් වශයෙන් ඉන්ධන ගැලපුම් ගාස්තුව වැඩියෙන් නියමකර ඇති බවයි.
කර්මාන්ත අංශයේ හෝටල් හා අනෙකුත් ප‍්‍රභේදවල ඉන්ධන ගැලපුම් ගාස්තුව 20%ක් බවත් එහෙත් ගෘහස්ථ පාරිභෝගිකයන්ගේ ඉන්ධන ගැලපුම් ගාස්තුවල සාමාන්‍ය 38%ක් බවත්ය.
ඔහුට අනුව රටේ මුළු විදුලි පාරිභෝගිකයන් සංඛ්‍යාව ලක්ෂ 50ක් වන අතර ඉන් ලක්ෂ 44 – 45 අතර ප‍්‍රමාණයක් සිටින්නේ ගෘහස්ථ පරිභෝගිකයන්ය.
විදුලි ඒකක 0 – 30 අතර සඳහා ඉන්ධන ගැලපුම් ගාස්තුව 25% ක් ද ඒකක 31- 60 දක්වා ඉන්ධන ගැලපුම් ගාස්තුව 35% ක්ද ඒකක 61 සිට ඉන්ධන ගැලපුම් ගාස්තුව 40% ක් වශයෙන්ද ගෘහස්ථ පාරිභෝගිකයන්ගෙන් අයකරයි.
කර්මාන්ත හා හෝටල් සඳහා ඉන්ධන ගැලපුම් ගාස්තුව 15% ක්ද පොදු කාර්ය විදුලිබිල් සඳහා ඉන්ධන ගැලපුම් ගාස්තුව 25% ක් ද අයකරයි.
මේ සම්බන්ධයෙන් කරන ලද විමසීමකදී මහජන උපයෝගීතා කොමිසමේ සභාපති ආචාර්ය ජයතිස්ස ද කොස්තා මහතා පැවසුවේ මෙම ගණනයන් නිවැරදිව කිව නොහැකි බවත් ඉදිරියෙදී යම් වැඩි වීමක් වුවොත් එය සලකා සහ පහළ ගියහොත් එම මිල අඩු කිරීමට ද බලාපොරොත්තු වන බවයි. ඔහු වැඩිදුරටත් පැවසුවේ තමන් මෙම ඇස්තමේන්තු සැකසුවේ තෙල් බැරලය ඩොලර් 100 අවස්ථාවේ බවත් අද වන විට බැරලය ඩොලර් 120 ක් පමණ වීම නිසා මෙම ගණනයන් වෙනස් විය හැකි බවයි.
මේ සම්බන්ධව කරන ලද විමසීමේදී ලංකා විදුලිබල මණ්ඩලයේ වැඩ බලන සභාපති අරුණ සේනක විජේපාල මහතා පැවසුවේ පෙර ඇස්තමේන්තු අලාභය බිලියන 45ක් පමණ වුවද මෙම තෙල් මිල යෑමත් සමග එම අලාභය බිලියන 70ක් පමණ විය හැකි බවත්, කොස්තා මහතාගේ ප‍්‍රකාශය මිලියන 29000ක් බව පැවසුවද එය වැරදි බවත්ය. එලෙසම ඔහු පැවසුවේ විවිධ බලාගාර සඳහා විවිධ ආකාරයේ තෙල් භාවිත කිරීම හේතුවෙන් මෙම ගණනයන් වෙනස් විය හැකි බවයි.

වියයුත්තේ කුමක්ද?

17 Feb

රටක් වශයෙන් දැන් අප ඉන්නේ ලොකු අවුලකය. රුපියලේ හුවමාරු වටිනාකම කෙරෙහි පවත්වාගෙන ගිය ග‍්‍රහණය අත්හැරීම නිසා ඩොලරයක් සඳහා වන රුපියල් හුවමාරු අනුපාතිකය ශීඝ‍්‍රයෙන් ඉහළයමින් පවතී. පෙට‍්‍රල්, ඞීසල් හා භූමිතෙල් මිල එකවර වෙන කවරදාකවත් නොකළ තරම් ප‍්‍රමාණයකින් ඉහළ දැමීමද භාණ්ඩ හා සේවාවන් සඳහා වන මිල ශීඝ‍්‍ර ලෙස ඉහළ දැමීමට හේතුවී තිබේ. මෙම පියවරයන් දෙක භාණ්ඩ මිල වර්ධනය කෙරෙහි අන්‍යොන්‍ය වශයෙන් බලපානු ඇත. මහජනයාගේ ඇඟට දැනෙන උද්ධමනයක් ඇති කිරීමට හේතුවනු ඇත. ඒ නිසා සමහර නව ව්‍යාපාර වැසී Continue reading